Gitinguha ni Police Major Neil Vistar, Calinan Police Station Commander nga abli sila kung adunay muhatag og reward.
Segun ni Vistar, anaa sila karon sa pagproseso sa pag-validate ug pag-elimate sa mga gipadangat nga mga impormasyon.
Ginasubay usab nila ang ilahang nadawat nga impormasyon sa alegasyong pagpangbiktima usab sa bao-bao trike niadtong nakalabayng mga bulan.
Sa pinakaulahing update gikan sa Special Investigation Task Group Bragas wala pay suspek sa paglugos patay sa biktima.
Subay niini nitanyag og P1 million reward money si Davao City 1st District Rep. Paolo Z. Duterte kung kinsa ang makatudlo sa responsable sa brutal nga pagpatay kang Arch. Bragas.
“Si Ms. Vlance Marie Bragas usa ka ordinaryong Dabawenyo nga adlaw adlaw nakig bisug alang sa kaugmaon niya ug sa iyang pamilya…ako uban sa pamilya ni Ms. Bragas nasubo gayud sa nahitabo kaniya…alang sa kasulbaran aning krimen,ako uban sa tanang mga dabawenyo nga nangita ug hustisya para kay miss bragas naga hanyag sa kantidad nga 1 million pesos sa kung kinsa man nga tao nga maka tudlo sa naghimu aning krimen kay Ms Bragas,” segun sa kongresista sa press stament.
RadyoMaN Aimee Guinita
