Istrikto nga health protocols sa gihapon ang agyan sang mga indibidwal nga halin sa guwa sang Region 6 kag magasulod sa ciudad sang Bacolod kun magbalik na ang byahe sang barko kag eroplano.
Sa interview sang DYHB kay Councilor Renecito Novero, ang tanan nga magasulod sa Bacolod sumugod sa masunod nga semana kon pahanugutan na ang air, land and sea travel, ang dapat nga magpaidalom sa swab test kag mandatory 14-day quarantine.
Kon residente sang Bacolod ang magapauli, sabton sang city government ang gasto sa ila swab test kag quarantine facility apang kon indi Bacolodnon, siya ang magagasto sa swab test kag magapangita sang iya tiniran sa iya mandatory quarantine.
Suno kay Novero, may ginasunod nga polisa ang city government kag ang mga indi magsunod indi man makasulod sa ciudad, bangud importante suno sa opisyal nga maproteksyunan ang Bacolod kag probinsiya sang Negros Occidental.
Apang exempted naman sa amo nga polisa ang mga government officials kag iban nga essential wokers.
Sa karun suno kay Novero, kapin sa 500 pa ka indbidwal ang ma-accommodate sa mga quarantine facilities sa Bacolod apang aminado ang konsehal nga indi na ini mangin bastante sa masunod nga inadlaw kon magbukas na ang mga borders, pwerto kag airport.
[image: image.png]
