Health Sec. Paulyn Ubial, hingpit nang nipadaplin sa iyang plano nga moapod-apod ug condom sa mga tunghaan.

80

Hingpit nang gipadaplin ni Health Sec. Paulyn Ubial, ang tinguha niini nga moapod-apod ug condoms sa mga tunghaan.

Giklaro hinoon sa opisyal, nga igo lang siyang mi-explore sa posibilidad sa paghatag ug access sa mga batan-on sa condoms, hilabi na nga mas midaghan ang bag-ong kaso sa HIV/AIDS gikan sa mga kabataan.

Girespetahan sab ni Ubial ang desisyon sa Department of Education (DepEd), nga dili sila mo-provide sa maong commodity ngadto sa mga tunghaan.

Apan gipasalig sa DepEd nga mas pahugtan nila ang pagpatuman sa sex education ug iapil sa hisgutan ang mga paagi aron malikayan ang Sexually Transmitted Infections ug ang HIV/AIDS.

Tungod niini, ang mga health centers lang gihapon ug ang mga hospital maoy mopatuman sa pag-distribute ug condoms.

Si Ubial miduaw sa Sugbo aron sa pagtambong sa 5th Stakeholders’ Forum on the Control and Elimination of Neglected Tropical Diseases nga gipahigayon sa Bayfront Hotel.


Facebook Comments