Koronadal City–Gibutyag ni Koronadal School Division Superintendent Crispen Soliven nga nagbutang sila ug help desk ug hotline numbers sa division office apil na sa mga eskwelahan, alayon sa pagsugod sa klase kagahapong adlawa. Ang maong help desk ug hotline number maoy motubag sa mga pangutana sa mga ginikanan sama nalang sa lesson o uban pang mga concern bahin sa pagtungha sa ilang mga anak.
Apan gihingusgan niini nga hugtanon nilang ginapatuman ang health Protocols sa ilang mag help desk aron nga malikayan ang pagkatag sa covid-19. Dugang pagbutyag ni Koronadal School Division Supt. Crispin Soliven nga gawas sa hotline numbers ug Help Desk, duna usay mga group Chat nga gimugna ang mga teachers alang ngadto sa ilang mga estudyante ug sa mga ginikanan.
Matag adlaw nagahatag ug instruction, reminders ug schedule ang ilang mga magtutudlo. Pinaagi niini mahimong han-ay ang pagtubag sa mga estudyante sa ilang leksyon.
