Davao City – Sa presohan sa Buhangin Police Station nahagsa ang helper human nadakpan sa gilusad nga buy-bust operation sa may Old San Isidro Buhangin ning siyudad alas-12:30 sa udto.
Giposasan sa mga operatiba si Francis Dublin alyas Goten, 18 anyos, ulitawo, ug nagpuyo sa naasoy nga dapit human gitunol niini ang usa ka pakete sa shabu ngadto sa pulis nga nagtakubang kustomer sa iligal nga droga.
Dugang nakuha gikan sa suspek ang laing pakete unod ang gitohoang shabu ug 500 pesos nga mark money.
Ang suspek, dili pa lang tanto dugay misulod sa iligal nga kalihukan ug pila usab ka higayon gipailawom sa surveillance sa mga otoridad ang aktibidad sa dinakpan.
Kasong may kalapasan sa Republic Act 9165 kun Comprehensive Dangerous Drugs Act of 2002 ang ipasaka sa kapulisan batok ni alyas Goten.
RadyoMaN Joel Viray
