Cauayan City, Isabela- Dead on the spot ang helper ng delivery van matapos sumalpok ang sinasakyan nito sa likurang bahagi ng nakaparadang trailer truck dakong alas-12:30 kaninang tanghali sa by-pass road na sakop ng Barangay San Fernando, Alicia, Isabela.
Kinilala ang nasawi na si Reymart Labog, nasa hustong edad habang sugatan ang tsuper ng van na kinilalang si Demetrio Hernandez.
Lumabas sa inisyal na pagsisiyasat ng PNP Alicia, kinilala ang tsuper ng trailer truck na si Jhomar Pablo, 24-anyos, may-asawa at residente sa naturang lugar.
Kita sa larawan ang halos di na makilalang mukha ng biktima dahil sa tindi ng pagbangga ng sasakyan nito sa truck na sanhi ng kanyang pagkamatay.
Habang isinugod naman sa hospital ang tsuper ng delivery van na patuloy na inoobserbahan ngayon dahil rin sa natamong sugat sa katawan.
Patuloy ngayon ang imbestigasyon ng pulisya hinggil sa insidente.
Photos: iFM news team
