Gipasalig sa Valencia City Police Station nga ilang tutukan ang kaso sa mga akyat bahay, pagpanglungkab ug pagpangawat na nagapanghitabo sa mao nga siyudad.
Sa interview sa RMN Malaybalay ngadto kang Police Lt. Col. Surkie Serenias, ang hepe sa Valencia City Police Station gibutyag niini nga wala nila nakita kaniadto ang pagsaka sa kaso sa maong mga kriminalidad.
Matud ni Serenias nga sa unang semana pa lamang sa 2020 adunay pagsaka sa kaso sa kawat.
Gipasabot niya nga paglingkod niya isip hepe sa PNP Valencia City naka-pukos sila sa pagsikop sa tawo nga nagdala ug loose fire arms, pagsumpo sa illegal drugs, ug pagsulbad sa mga shooting incidents.
Sigun sa hepe nga wala nila nakita kaniadto ang pagtaas sa kaso sa kawat, akyat bahay ug pagpanglungkab, maong gipasalig niya nga ilang kining tutukan sa unang bulan karong 2020.
Gawas niini, padayon usab ang ilang kampanya batok sa illegal nga droga, terrorism ug anti criminality campaign.
