General Santos City— Gihingusgan ni Police Chief Inspector Rexor Canoy, ang hepe sa police station 4 nga padayon ang ilahang ginahimo nga imbestigasyon kalabot sa gika-ingong pagkawala ni Philip bacudo, 19 anyos.
Pamahayag niini nga sa karon ilaha pang pangayuon ang unsa mang advice gikan sa higher headquarters human nga magfile ug writ of amparo ang pamilyang Bacudo human ang halos duha na ka-semanang pagpangita sa nasangpit nga batan-on.
Sumala niya nga lisod na nga muhatag ug unsa mang pamahayag gumikan anaa naman kini sa korte.
Dugang pamahayag ni PCI Canoy nga walay kamatuuran ang akusasyon sa I-Defend nga ilahang gitaguan sa compact station sa Police Station 4 nga nahimutang sa may diversion road si Philip Bacudo.
Pagpaklaro niya nga hugot ang ilahang pag-obserba sa human rights ug isip labaw sa maong police station, wala niya gina-tolerate ang susamang panghitabo.
