Nadiskobre sa patrolling platoon sa 23rd IB, 4th ID ang 40×30 square meters nga hideout sa Communist-NPA Terrorist Group sa So Bulak, Brgy Lower Olave, Buenavista, Agusan Del Norte niadtong Pebrero 27.
Didto ilang narecover ang duha ka unserviceable Garand rifles with serial number 2251028 ug 90 ka botelya sa tambal.
Gibana-banang moigo sa maong hideout ang 15 ka miyembro sa Communist-NPA Terrorist Group. Samtang, niadtong Pebrero 26, narecover sa operating troops sa 56th Infantry Battalion ang upat ka high powered firearms sa Barangay Dagohoy, Talaingod, Davao del Norte.
Sa report ni Brigadier General Ernesto Torres Jr, ang Commander sa 1003rd Infantry Brigade, lakip sa narecover sa area ang duha ka M14 Rifles ug usa ka 50 Cal. Browning Heavy Machine Gun ug 60 MM mortar, magazine alang sa M14 ug 7.62mm ball ammunition.
Gidayeg usab ni Eastern Mindanao Command Commander Maj. Gen. Felimon T. Santos Jr, ang gihimo sa mga sundalo uban ang pagbutyag nga dali lang ang pag-angkon sa kalinaw kung magtinabanga ang tanan.
Mahinumduman nga gideklara sa komunidad ang mga CNTGs isip “persona non grata”.
Gani niadtong Pebrero 25, gideklara sa Ovu-Manuvu tribe sa Davao City ang mga NPA nga “persona non grata” sa ilang lugar.
