Davao City – Gikalipay karon ni Davao City Mayor ug presidential daughter Sara Duterte-Carpio ang pagtaas sa trust and approval ratings ni Pres. Rodrigo Duterte alang sa ulahing quarter ning tuiga.
Sumala ni Duterte-Carpio nga gipakita lamang sa maong survey nga nagtoo ang katawhan diha sa presidente ingon man nakasabot ang kasagaran sa mga programa sa Duterte administration.
Base sa gipagulang survey sa Pulse Asia alang sa Fourth Quarter, anaa sa 87% ang approval rating sa presidente diin mas taas kini og 9% gikan sa bulan sa September nga ratings.
Samtang misaka usab og 9% ang trust ratings sa presidente diin anaa kini sa 83% gikan sa 74% nga grado sa September.
Nasayran nga pinakataas nga nakuha niini naggikan sa Visayas ug Mindanao.
Samtang ‘no comment’ ang alkalde sa migula sa social media nga post labot sa matud pa ‘father and daughter tandem’ alang sa 2022 elections.
Gani, subling mibarug ang mayora nga wala siyay interes nga mudagan og national position ug plano lamang nga humanon ang ‘High Priority Bus System’ sa dakbayan sa Davao.
RadyoMaN Jason Amisola
