High Value Target nga tigpayuhot sa iligal nga druga, nadakpan sa Agora Police!

40

Nadakpan sa mga operatiba sa Agora Police ang usa ka High Value Target kon HVT nga tigpamaligya sa iligal nga druga.  Kini human sa anti-illegal drug buy bust operation nga gilusad niadtong Martes sa hapon diha sa Brgy. Cugman ning syudad sa Cagayan de Oro.

Ang maong operation ang gipangulohan mismo ni PS3 Commander PCApt. Ernesto Miranda Sanchez kung diin malampusong nasikop ang suspek nga 37 anyos nga si Raffy Diver Labares, minyo nga collector ug residenti sa Zone 2, Casa Talidhay sa maong barangay.

Nasayran nga napalitan sa usa ka sachet sa gituhoang shabu ang gi-ingong hig-value target nga suspek balor 1000 pesos nga maoy hinungdan sa iyang pagka-aresto.


Nakuha pa gikan sa posisyon ni-ini ang laing 14 ka mga sachets sa gituhoang shabu nga gibana-banang motimbang sa 2 gramos kung diin dunay street market value nga moabot ngadto sa 13,600 pesos.  Lakip nga nakuha ang duha ka mga cellphone nga maoy gituhoang ginagamit ni-ini sa iligal nga transaction ug ang 1000 peso bill nga ginamit isip buy bust money.

Detinado na ang maong suspek samtang giandam na ang pagpasaka sa kasong pagsupak sa RA 9165 ngadto sa korte batok kaniya.

Kasama mo sa PS3 Agora, RadyoMaN Andy Coco, DXCC Tatak RMN!



Facebook Comments