General Santos City–Hingpit nang nakasuhan ug kalapasan sa RA 9165 Sec. 5 ug 11 ang suspek nga si Jefferson Abeco, 33 anyos, nga nanimuyo sa Prk 10, Phase 3, Rosadel Village, Barangay Apopong ning syudad human nga masikop kini sa gipahigayong buybust operation sa Police Station 4, alas 10:00 ang takna sa buntag sa Durian Ave. Prk Lanton Brgy Apopong.
Sumala pa sa report nga ang suspect ang napalitan ug usa ka sachet sa gikatahapang shabu nga nagkantidad ug P500 samtang nakuha sa iyang posisyon ang lain pang sachet sa shabu ug ang P500 nga buy-bust money.
Gikonsidera matud pa ang suspect nga usa ka high value target sa Police Station 4 nga naglambigit sa pagpamaligya ug iligal nga droga.
Sa kasamtangan nag tingkagol ang nasangpit sa selda sa Police Station 4 ang nasampit nga suspek. (Dave Silagan)
