General Santos City–Gipaabot nalang karon sa Police Station 3 nga magpakanaog ug commitment order ang korte batok sa usa ka Jonathan Nazareno Castor alias Nards, 34 anyos driver nga nanimuyo sa Prk. Vergara, Brgy. Zone III koronadal City aron nga mabalhin na kini sa Gensan City Reformatory Center human nga masikop sa gipahigayon nga operasyon sa mga intel operative sa maong estasyon.
Sumala pa ni P/Major Benhur Catcatan ang Hepe sa Police Station 3 nga ang suspect ang nasikop pinasikad sa warrant of arrest sa kaso nga frustrated murder nga gipakanaug sa sala ni hon. Judge Renato Tampac sa RTC Branch 59.
Nasikop matud pa ang suspect human nga naghatag ug tip sa kapulisan ang mga kabanay sa gibiktima sa nahisgutan nga anaa lang sa Tantangan, South Cotabato nagtaguan ang nahisgutan hinungdan nga gilayong gibiripika pinaagi sa Tantangan Municipal Police Station hinungdan nga nasikop ang suspect. (Dave Silagan)
