Gi-presentar ni Misamis Oriental Gov Yevgeny Emano atubangan sa mga empleyado sa kapitolyo ang Wind Vane Award nga naangkon sa lalawigan gikan sa DOST- PAG-ASA.
Ang Wind Vane Award maoy pinakataas nga pasidungog nga ginahatag sa DOST ug mapasigarbuhon ang gobernador nga nag-inusara ang Misamis Oriental sa tanang probinsya sa Visayas ug Mindanao nga nakaangkon niini.
Alayon niini, Â gipasalamatan sa gobernador ang mga empleyado sa legal office kinsa maoy mitabang aron masakmit ang maong pasidungog.
Usa sa gibasehan sa DOST-PAG ASA sa paghatag sa maong award mao ang pagsuporta ni Gobernador Emano aron mapatukod ang planetarium sa Molugan, El Salvador City.
Mahinumduman nga niadtong Marso 22 kauban sa gobernador si Atty. Niel Pacana nga mi-biyahe sa kaulohan aron modawat sa Wind Vane Award.
