HIMAKAK|PNP dili maoy nagtipi sa 5 ka lalaki sa Malubog

201

Hugtanong gipanghimakak sa hepe sa Police Regional Office-7, Chief Supt. Debold Sinas nga mga polis maoy responsabli sa pagpatay sa lima ka mga lalaki sa bukirang barangay sa Malubog kagahapon sa kadlawon , Oktobre 4.

Tubag kini ni Sinas human ang usa ka survivor sa krimen nga habal-habal driver, Antonio Belande nagduda nga mga polis ra usab ang nirapido kanila sa Sitio Kan-irag , Ayala Heights barangay Malubog pasado alas 3:00 sa kadlawon.

Apan matud ni Sinas nga na-busy sila sa gilusad nga one-time bigtime operation sa lain laing lugar sa Sugbu kagahapon , nga sa samang oras gipatay usab ang lima ka biktima sa Malubog .

Ang kapolisan nihatag na usab ug police security escorts ngadto sa mga survivors sa krimen nga si Belande ug laing babaye nga si Sharmaine Puran.

Nagpadayon usab ang imbistigasyon sa kapolisan labot sa insidente .

Facebook Comments