Ginsiling ni Gov. Alfredo Maranon Jr. nga sa nakaligad nga siyam ka tuig, nagtrabaho siya sang lubos para sa pumuluyo nga ang intensyon amo ang pagbulig kag pag-pasanyog sa kalidad sang pagpangabuhi sang pumuluyo kag mabatak ang mga ini sa kapigaduhon.
Sa ginpatigayon nga turn-over ceremony kahapon sa tunga nanday Negros Occidental outgoing Governor Alfredo Marañon Jr. kag incoming Governor Eugenio Jose “Bong” Lacson sa Negros Occidental Multi-Purpose Activity Center naghatag sang iya State of the Province Address si Marañon.
Suno sa iya, nga sa siyam ka tuig niya nga pagpungko bilang gobernador sang Negros Occidental, nag improve ang ekonomiya, naghagan-hagan ang kapigaduhon, nagbakud ang health care, food security, trabaho, kag oportunidad sa edukasyon para sa mga Negrosanon.
[image: image.png]
