Sa interview sa RMN Malaybalay ngadto kang Maj. Joan Navarro, Spokesperson sa Police Regional Office (PRO)-10, gibutyag niya nga atol sa Change of Command Ceremony adtong Domingo didto sa Camp Crame, gipamahayag ni Gen. Acorda ang pagkahiusang serbisyo sa kapulisan sa tinguha nga mamintinar ang kahusay ug kalinaw sa nasud.
Ang bag-ong PNP Chief ang kanhi Director sa PRO-10 kinsa rason sa hugot nga operasyon sa kapulisan pagpakigbatok sa mga kriminalidad ilabi na sa pagpayuhot sa illegal nga droga.
Si Gen. Acorda ang ika-29 nga PNP Chief sa nasud kinsa gihulipan sa pwesto si PGen. Rodolfo Azurin Jr.
Nagpasalamat usab ang bag-ong PNP Chief sa mga personahe sa media diin makalaum sa kooperasyon sa kapulisan ilabi na sa pagsangyaw sa mga tokmang impormasyon aron makab-ot ang kahusay ug kalinaw sa matag lugar.
Usa pud sa tinguha sa Chief PNP nga magiyahan ang mga personahe nga mahilayo sa paggamit ug pagpayuhot sa illegal nga droga ug kung aduna may mapamatud-an nga nalambigit niini, manubag gayud sa balaod.
