General Santos City— Dako matud pa ang posisbilidad nga grupo sa mga hired killers ang responsable sa sunod-sunod nga pagpamusil-patay sa syudad sa Koronadal kung asa sagad sa mga suspek mao ang riding in tandem.
Ang maong pamahayag ang migawas human nga miabot sa pito ang naitalang patay sa bulan sa Disyembre sa Korornadal ug hangtud sa karon wala pay nadakpan nga bisan usa sa mga suspek.
Sumala kang Police Superintendent Ronald Peñaverde, hepe sa Koronadal Police Station nga tulo ka mga motorsiklo nga walay palaka numero ang ginagamit sa mga kriminal sa pagpamusil.
Dugang pamahayag ni Supt. Peñaverde nga kahibulungan alang kanila gumikan sa sagad sa mga pagpamusil ang nagakahitabo sa tulo lang ka mga barangay sa syudad nga gilangkuban sa Brgy. GPS, Brgy. Zone II, ug Brgy. Sto. Niño. Usa usab sa ilahang motibo nga ginatan-aw mao ang illegal nga droga nga hinungdan sa mga pagpamusil-patay.
