Nakatigayon sa pagpalagyo ang ginapahayag hitman ni anay drug lord Melvin Odicta nga si Michael Hansilan sang ginpaidalum ini sa entrapment operation sang CIDG kahapon sang hapon angut sa pagbaligya sini sang illegal nga mga armas.
Subong man, nadakpan naman ang kaupod sini nga Robene Adorable nga yara na karon sa custody sang CIDG.
Ginpahayag ni Police Supt. Julius Jacinto sang CIDG nga ginhiwat nila ang entrapment operation upod sa IPPO kag Cabatuan PNP kahapon sang hapon batuk kay Hansilan angut sa pagbaligya sini sang loose fire arms.
Subong man, nakapalagyo si Hansilan matapos masat-uman sini nga mga pulis ang naga-transaksyon sa iya. apang nadakpan ang iya upod nbga si Adorable.
Narecover kay Adorable ang isa ka granada, isa ka 45 kalibre nga pistola, mga bala kag marked money.
Suno kay Jacinto nga pasakaan nila si Adorable sang kaso nga illegal possession of explosives samtang si jacinto ang pasakaan man sang kaso nga paglapas sa RA 10591.
