BACOLOD CITY – Nag-umpisa naman pangdakop ang Task Force Botagoy ukon ang incharge sa pagpatuman sang City Ordinance No. 459 ukon ang Illegal Slaughtering Ordinance series of 2008.
Kahapon sang hapon sa Purok Gracia, Barangay Singcang, ila natigayon nga makompiska kay Resty Navarro, 20 anyos ang 65 ka kilo sang karne sang baka.
Kon basehan ang ordinansa, ang tanan nga wala gina-ihaw sa Bacolod Slaughterhouse ang makonsedera nga “hot meat” kag indi pwede makasulod sa mga merkado ukon ibaligya sa publiko.
Suno kay Rex Juplo, ang head sang Task Force Botagoy, kaangay sang mga naandan, ila ginalubong sa dumpsite ang amu nga mga karne para sa safety sang pumoloyo bangod wala ini kaagi check sang City Veterinary Office.
Facebook Comments
