Suportado sa grupong Kadamay ang House Bill 7653 nga gipasaka sa Bayan Muna sa kongreso.
Mao kini ang gibutyag ni Francisco Pagayaman ang Spokesperson sa grupong kadamay sa Northern Mindanao.
Matud ni Pagayaman nga ang House Bill 7653, ma-o ang alternative solution aron matubag ang epekto sa TRAIN law.
Lakip sa Proposed Bill nga gipasaka sa Bayan Muna nga Ibalik ang karaan nga ang-ang sa excise tax base sa National Internal Revenue Code.
Himoon nga Zero Tax, ang buhis sa Produktong Petrolyo nga naglakip sa liquefied petroleum gas, diesel, kerosene ug bunker oil.
Gusto usab sa Bayan Muna nga wad-on ang tanang section sa excise taxes sa sugar sweetened beverages ug Ibalik ang Value Added Tax exemption sa electricity, gikan sa generation, transmission, ug distribution companies, lakip sa mga electric cooperatives.
Gusto usab sa Bayan Muna nga ibalik ang VAT exemption sa low cost housing ug ibalik ang 3-percent tax exemption sa cooperatives, self-employed and professionals gross receipts nga 2 million pesos pa-ubos.
