Ginaduso karon ang House bill 3495 ukon ” Drowning Prevention Act” nga gin-file ni Iligan City Representative and House Committee on Youth & Sports Development Member Frederick Siao agud ilakip ang swimming bilang mandatory subject sa K-12 basic Education Curriculum.
Ini agud malikawan ang mga nagakapatay bangud sang pagkalunod.
Sa idalom sang nasambit nga House bill, magabuligay ang Department of Education kag National Disaster Risk Reduction and Management Council agud mangin kabahin ang swimming lessons sang Music Arts Physical Education and Health (MAPEH) core academic area.
Nahibaluan nga base sa statistics sang United Nations International Children’s Emergency Fund (UNICEF), nagapangaduha ang pagkalunod nga ginatunaan sang kamatayon sang mga Filipino nga mga kabataan 15-anyos panubo.
(photo from web)
