BACOLOD CITY – Gin-aprubahan na sa 3rd and final reading sang Kamara ang House Bill 6775 ukon ang hagna nga maga-tukod sang Department of Human Settlements and Urban Development.
Nangin author sang amo nga hagna si Negros Occidental 3rd District Congressman Albee Benitez.
Tinutuyo sang amo nga proposed bill amo nga mahatagan sang disente kag safe nga balay ang mga Pilipino ilabi na ang mga illegal settlers sa diin dapat malapit lang ini sa ila gina-ubrahan.
Lakip sa mga gamiton diri amo ang propiedad sang gobierno nga butangan sang barato nga housing program.
Samtang, gina-hulat nalang sang Kamara ang ma-aprubahan ang version sang Senado para naman isa na ka layi ang gina-duso nga pagtukod sang Department of Human Settlements and Urban Development.
