HQP amat-amat na nga gina panghatag sa mga barangay sa syudad sang Bacolod

14

Apisar nga yara sa idalum sang modified general community quarantine (MGCQ) status ang ciudad sang Bacolod, amat amat na nga gina-distribute sang mga barangay ang home quarantine pass (HQP) sa mga residente sini.

Magasugod ang paggamit sang HQP sa Setyembre 3 tubtob 15, 2020.

Base sa social media post ni Liga ng mga Barangay President Councilor Lady Gles Gonzales Pallen, sa isa ka household may yara sang tatlo ka tawo nga pwede makagamit sang HQP pero one at a time lang ang makaguwa.

Sa mga employed, may trabaho, vendors kag transport group, indi na kinahanglan sang pass pero magpakita lang sang company ID ukon proof sang inyo trabaho.

Natalana nga magpaguwa sang Executive Order si Mayor Evelio Leonardia angut sa paggamit sang quarantine pass.

Madumduman nga gin-gamit sadto sa ciudad ang mga HQP sang kita ang ginpaidalum sa enhanced community quarantine (ECQ) para makontrol ang hulag sang tawo.

Ang MGCQ status sang ciudad ang maga-expire sa Agosto 31, 2020.




Nagapadayon naman ang 8pm-4am nga curfew tubtob sa katapusan sang bulan.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments