HINIGARAN, NEGROS OCCIDENTAL – Ginadayaw karon ang tatlo ka mga High School students sa banwa sang Hinigaran matapos nga ila ginturn-over sa police ang kapin P10 mil pesos nga kwarta nga cash nga ila nakita.
Sanday Jasmin Alonde, Danica Buenaflor kag Honey Faith Lina, tanan Grade 8 student sang Hinigaran National High School ang ginakabig karon good citizen kag maayo nga ehemplo sa mga kabataan.
Suno sa Hinigaran Municipal Police Station nga nagpadulong sa ila istasyon ang amo nga mga estudyante agud nga iturn-over ang nakita nila nga kapin P10 mil pesos nga cash sa public market sang Hinigaran.
Ang ginhimo sang amo nga mga estudyante ang ginkalipay sang banwa sang Hinigaran bangud ginpakita sang mga ini ang ehemplo sang isa ka maayo nga citizen nga pundasyon halin sa ila balay kag good moral conduct halin naman sa ila eskwelahan./DYHB NEWSROOM
