BACOLOD CITY – Patay ang isa ka lalaki matapos nga nabunggu-an sang salakyan nga Fortuner sadtong Sabado sang gab-i sa Araneta St., Brgy. Sum-ag, Bacolod City.
Ang biktima ang ginkilala sa kay Jessie Patingo, 32 anyus, residente sang Sitio Mambato, Barangay Tu-oy, Himamaylan City.
Suno sa hepe sang Police Station 9 PS/Insp. Jun Ray Batadlan, nag-tabok sa dalan ang bikitma apang wala ini natalupangdan sang driver sang Fortuner nga amo naman si Virgilio Bayon, 29 anyos, residente naman sang banwa sang Pontevedra.
Nahibalu-an nga hubog ang biktima sang natabu ang insidente.
Sa interview sang pulis, ginpahayag sang driver sang salakyan nga madasig ang iya padalagan bangud naga-sunod in sa amblance kon diin nakarga didto ang iya boss nga ginahingagaw dala sa ospital.
Gindala pa sa Corazon Locsin Montelibano Memorial Regional Hospital ang biktima apang ini ang gindeclare dead on arrival./dyHB BACOLOD
