Bitbit ang bara de kabra sa usa ka tindahan, nagwild ang usa ka Joselito Danuco, hingkod ang panuigon, hinungdan nga mi report ang tag-iya sa tindahan nadto na sa kapulisan.
Hubog ang suspect, nga sumala pa usa ka waray, ug dili na halos kapugngan.
Dali nga miresponde ang duha ka tropa sa Nasipit Municipal Police station, ug gibadlong ang hubog apan wala mipatoo.
Misukol kini sa police ug gani gikugod pa ang police bitbit ang bara de kabra.
Napugos ang police sa pagpusil sa tiil ug tuhod sa hubog, ug sa uban pang parte sa lawas hinungdan sa iyang kamatayun.
Kalabot niini, miapilar si PSI Dorres Agohob, deputy chief of police sa Nasipit PNP nga dili husgahan ang kapulisan nga mirespondi sa nanghasi nga hubog human kini napatay sa mga otoridad, didto sa brgy. Talisay, Nasipit Agusan del Norte.
Sigun ni PSI Agohob nga igu lang gituman sa PNP ang ilang trabaho nga mapasurender ang nanghasi nga biktimang si Joselito Danuco, hingkud ang panuigon, adunay live in partner, apan gisumbag ang pulis ug gikugod pa gamit ang bara.
Unang gigukod sa biktima ang iyang amahan.
Midagan ang pulis padulong sa highway tuyu aron makita sa daghang mga tawo ang kinatibuk-ang panghitabu.
Gipusil ang biktima sa tiil apan imbes mosurender misamot pa kini kaisug mao’ng giusban pagpusil igu sa dughan nga bahin nga maoy hinungdan sa kamatayun.
Giklaru ni PSI Agohob nga giprotektahan lang sa pulis ang iyang kaugalingon batok sa biktima nga buot mopatay kanila.
