BACOLOD CITY – Gindakup sang mga katapo sang Police Station 1 ang isa ka gwardiya matapos nga ini siya ang illegal nga nagpalupok sang iya armas bangud sang kahulugbon kaina sang kaagahon sa Brgy. 13, Bacolod City.
Nakilala ang security guard nga amo si Bienvinido Balais, 41 anyos ang edad, pumuluyo sang Purok Boulevard, sang amo nga barangay.
Ini siya ang ginaalegar security guard sang Golden Summit Security Agency.
Suno sa imbestigasyon sang Police Station 1, ang suspek ang yara sa idalum sang impluwensya sang makahulubog nga ilimnon kag illegal nga nagpalupok sang iya armas.
Nakuha sa possession sang suspek ang isa ka .45 calibre nga pistol nga may chamber load kag magazine.
Sa karon detained na sa custodial facility sang Police Station 1 ang suspek./dyHB BACOLOD
