Davao City – Nagkadugo nga midangop sa Sta. Ana PNP ang usa ka Victory Fernandez, 30 anyos, taga-Purok 33 Barangay Magsaysay, Calinan District, siyudad sa Davao, human matud pa gidunggab nila alyas Cano ug alyas Erik kauban ang duha ka wala pa mailhing kakaubanan.
Saysay sa biktima nga gikan nag-inum, natulog kini sa nakaparada nga PUJ duol sa iyang bunk house human wala kini ma-abrihan sa iyang kakaubanan apan alas-2:00 sa kadlawon kalit niabot ang upat ka mga suspetsado dayon nanunggab si Cano gamit ang ice pick igo sa wala nga bahin sa kamot ug dughan niini.
Human sa insidente kalit misibat ang mga suspetsado padulong sa wala masayring direksyon diin nag to-o ang biktima nga na-tripan lamang kini.
Sa pagkakaron walay plano ang biktima nga mupasaka og kaso batok sa upat ka mga suspetsado.
RadyoMaN Don Pulayao
