HINIGARAN, NEGROS OCCIDENTAL – Isa ka hubog nga amay ang naglabo sang iya menor de edad nga bata kagab-i sa banwa sang Hinigaran.
Ang biktima isa ka 17-anyos nga bata nga lalaki, residente sang Brgy. Camalobalo, Hinigaran samtang, wala naman ginhingadlan ang suspek nga amay sang biktima.
Suno sa himata sang bata nga may mga las 7:50 kagab-i sa ila man lamang balay, naka-inom ang suspek kag bangud nga may problema iya sini gin-away ang iya bata.
Bangud sini, nagkuha sang patalum ang tatay kag iya ginlabo ang iya bata nga naigo sa dalunggan.
Padayon karon ginabulong sa Corazon Locsin Montelibano Memorial Regional Hospital ang biktima./dyHB BACOLOD
Facebook Comments
