ISABELA, NEGROS OCCIDENTAL – Patay ang isa ka amay matapos ini naaksidente sa iya ginamaneho nga motorsiklo bangud ini ang hubog sa banwa sang Isabela kagab-i.
Nakilala ang biktima nga si albert Nejana, 45 anyos ang edad, pumuluyo sag Hacienda Rodriguez, Brgy. Camang-Camang, banwa sang Isabela.
Ang aksidente natabo pasado las 6 kagab-i sa Purok Nalipay sa amo nga barangay.
Suno sa anak sang biktima nga si Mark nga nakainom ang iya amay apang ginpilit sini gihapon nga magmaneho sang iya motorsiklo, rason nga ini ang naaksidente kag naigo gid sa ulo matapos natumba.
Gindala pa sa Corazon Locsin Montelibano Memorial Regional Hospital ang biktima apang ini ang gin-declare dead on arrival sang attending physician sang CLMMRH pasado las 8 kagab-i./dyHB BACOLOD
