MOISES PADILLA, NEGROS OCCIDENTAL – Ginbuno sang hubog nga hinablos ang iya tiyo sini gid lamang nga hapon sa Brgy. Quintin Remo, banwa sang Moises Padilla.
Nakilala ang biktima nga si Ricky Amallo, 38 anyos ang edad, pumuluyo sang Purok 3, Brgy. Quintin Remo, samtang, ang suspek naman nga hinablos amo si Jason Amallo, 27 anyos ang edad.
Suno sa imbestigasyon sang police, mga las 3:40 sini gid lamang nga hapon, samtang nga yara sa sulod ang iya balay ang biktima nga si Ricky, nagsulod ang suspek nga hubog kag hinali na lamang nga ginbuno ang iya tiyo.
Igo sa dughan ang naangkon sang biktima kon diin matapos ang insidente, gilayon nga nagpalagyo ang suspek, samtang ang biktima naman dali dali nga gindala sa ospital.
Facebook Comments
