Davao City – Kasong lugos og child abuse ang posibleng atubangon sa usa ka hubog nga lalaki human niini bugal-bugali ang kinatawo sa usa ka menor de edad gawas sa usa ka tindahan sa Doña P. Ramos Brgy. Aliongto, Lanang, Davao City.
Gireklamo sa inahan sa 9 anyos nga bata sa Sasa Police Station ang suspek nga si
Renmark Kevin Empic, 21 anyos, construction worker ug taga-Brgy. Malabog Paquibato District, Davao City.
Sa eksklusibong interbyu sa RMN Davao kang PO2 Laila Vencer nga natingala ang inahan sa bata nganong nagkuha og kutsilyo ang iyang anak ug daling nihawa sa ilang panimalay.
Gisaysay sa inahan nga buot manimalos ang iyang anak ngadto sa suspek tungod sa gihimong paghikap sa pribadong parte sa lawas niini.
Gipailawom ang biktima karong gabhiuna og medico legal samtang ang suspetsado kinsa balhog karon sa Sasa Police Station nangayo’g pasaylo ngadto sa pamilya sa menor de edad.
RadyoMaN Aimee Guinita
