OFW SA KUWAIT | Pamilya sang Capizeña OFW nga gina-alegar ginamaltratar sa Kuwait, nagdangop sa RMN Roxas

Roxas City, Capiz- Personal nga nagdangop sa DYVR RMN Roxas ang pamilya sang isa na naman ka Capizeña OFW nga gina-alegar ginamaltratar sang iya amo sa pungsod Kuwait.

Sa interview kay Melanie Bernas sang Panay, Capiz, sang nakaligad nga Enero 2018 sang nagkontak sa ila ang utod nga si Maricel Barrera, 42-anyos nga nagapangayo sang bulig agud nga ini ang makapauli na sa pungsod Pilipinas bangod sa kabudlay sang iya sitwasyon sa pamilya nga iya ginatrabahoan sa *Al Farwaniyah*, *Al ‘Āşimah*, *Kuwait**.*

Suno diri nga halos tatlo gid lamang ka oras ang pahuway sini kabangdanan nga ini ang nagbalatian na.

Ang malala pa kay siya ang ginapalimpyo sang poluy-an sang anak sang iya amo nga wala sa ila kontrata.

Wala man ini ginapakaon sang husto kag kun kaisa nagamantener na lamang sang noodles.

Nahibaluan nga Hulyo 2016 sang naghalin sa Pilipinas si Maricel kag ini lamang ang nagabuhi sa tatlo niya ka mga kabataan nga babaye.

Panawagan subong sang iya pamilya sa mga natungdan nga ahensya sang gobyerno nga sila ang mabuligan agud nga marescue ang utod nila nga OFW kag makapauli diri sa pungsod Pilipinas.
*tags:Visayas,Roxas,DYVR,DYVR657,Capiz,Panay,OFW,Kuwait*