Chief tanod, gisunog iyang kaugalingon balay; kapitan ug minor de edad, gipamusil
Gisunog sa usa ka chief tanod sa Upper Dayawan, Villanueva, Misamis Oriental ang iyang kaugalingong balay samtang kapitan sa ilang barangay iyang gipusil gamit ang sumpak ug nadamay pa ang usa ka 17 anyos nga lalaki.
Matud ni Police Master Sargent Marcinel Sarmento sa Villanueva Municipal Police Station nga mga alas 2:41 sa hapon kagahapong adlawa nakadawat silag tawag alayon sa usa ka balay nga nasunog og gipanag-iyahan sa usa ka chief tanod nga nailang si Pepe Hulguin, 56 anyos.
Sa ilang initial nga imbestigasyon gibutyag sa asawa ni Hulguin nga sa mga milabayng semana ila na kining namatikdan nga lahi na ang panultihon niini ug gasimang na sa storya ug kagahapon sa hapon nakurat nalang iyang asawa nga nagkalayo na ilang balay samtang iyang bana anaa sa likod nga bahin.
Dugang pa taman sa motabang og palong sa kalayo iya kining hulgaon nga pusilon sa iyang sumpak rason nga napusilan sa kamot si kapitan Robert Cabrera ug nadamay pa ang 17 anyos nga si James Mar Tacbobo rason nga gilayon kini silang gidala sa pinakaduol nga ospital ug gi.refer usab sa NMMC.
Sa pagkakaron detinado na sa Villanueva Municipal Police Station si Hulguin ug nabawi usab ang sumpak sa iyang posisyon ug paaboton nalang ang desisyon sa mga biktima kung magpasaka ba’g kaso.
