South Cotabato – patay nang nakaplagan ang usa ka lalaki human kining naghikog didto sa Purok Tboli, Barangay Lake Lahit, Lake Sebu, South Cotabato.
Biktima giilang si Rex Godwino, 29, minyo, laborer ug residente sa nasampit nga lugar.
Sa inisyal nga imbistigasyon sa Lake Sebu Municipal Police Station nasuta nga nakaplagan nalang sa iyang amahan ang patayng lawas sa biktima daplin sa lake sa may Purok Lamsufo.
Ayha matud pa nakaplagan ang patayng lawas sa nasangpit, daan na kining nagsulti sa iyang asawa nga matud pa gikapoy na kini sa iyang kinabuhi. Gibaliwala lang kini sa iyang asawa sa pagtuong dili kutluon sa suspek ag iyang kinabuhi.
Apan giangkon sa pamilya sa biktima ngadto sa kapulisan nga dili kini ang unang higayon nga misuway ug pakamatay ang nasangpit tungod niadtong tuig 2011 nagsuway na usab kini sa pagpakamatay pinaagi sa paghikot sa iyang liog ug pisi, apan kini naluwas pa sa iyang mga kabanay.
