South Cotabato – naukayan ang usa ka vintage bomb didto sa , Unicorn Enterprise Compound, nga nahimutang sa Purok 10, Poblacion Tupi, South Cotabato niadtong nakalabayng adlaw.
Sa report sa Tupi Municipal Police Station nasuta nga usa ka Mark John Cudera, single, laborer nga nakabase sa Cordova Construction nga taga General Santos City maoy nakadiskubre sa maong vintage bomb.
Nakalutan ang bomba sa mismong lugar dihang mikalot ang mga construction worker alang sa tukurong warehouse building sa maong lugar. Gilayong mireport ang mga nasangpit sa kapulisan aron ipasuta ang nakaplagang bomba.
Subay sa imbistigasyon, usa ka General Purpose (GP) bomb ang nakalutan. Sa karon ang maong Vontage Bomb anaa na sa kostudiya sa Explosive Ordnance Division (EOD) sa South Cotabato PNP.
