BACOLOD CITY – “Hurikap Girls” strikes again. Isa na naman ka soltero nga lalaki ang nabiktima sang duha ka mga hurikap girls kahapon sang hapon sa downtown area, Bacolod City.
Ang biktima isa ka 33 anyos nga soltero kag pumuluyo sang Brgy. Mansilingan.
Suno sa iya nga may mga las 3:30 kahapon sang hapon durante nga ini siya ang nagalabay sa dalan Rizal-Gatuslao sa downtown area sang Bacolod City, ginpalapitan siya sang duha ka mga babayi.
Nakibot na lamang siya suno sa biktima sang ini siya ang gin-hurikap sang mga ini kag wala siya nakabatyag nga gina-manehar na gali ang iya bulsa.
Nadula sa biktima ang iya kwarta nga P600 pesos kag daku ang iya suspetso nga ini ang ginkuha sang amo nga duha ka mga kababaenhan.
Nagpadulong na lamang sa Police Station 1 ang lalaki kag ginpablotter ang wala niya nakilala nga mga “hurikap girls.”/dyHB BACOLOD
