Hustisya ang singgit karon sa pamilya sa kamatayon sa usa ka lalaki human gipusil sa wala mailang suspek pasado alas 5 sa buntag kagahapong adlawa didto sa Purok-1, Bugcaon, Lantapan, Bukidnon.
Ang biktima naila sa pangalan nga Albert Rara, 37 anyos, ug residente sa susamang barangay.
Sumala sa mga kabanay, nga wala silay gikasayran nga kontra ang biktima gani gihulagway nga usa ka maayong tawo ug maong dako nalang ang ilang kakurat sa gidangatan niini.
Sa karon, padayon ang imbestigasyon sa kapulisan sa insidente ilabi na pagsuta sa motibo sa krimen.
Panawagan usab sa kapulisan ngadto sa mga posibleng witness, nga makigkoordinar na sa buhatan alang sa paspas nga kasulbaran niini ug paghatud sa hustisya sa kamatayon sa maong lalaki.
Facebook Comments
