Nagtigum ang kapin usa ka gatus ka mga kabataan sa General Santos aron ipakita ang ilahang suporta sa gihimong desisyon ni Pangulong Noynoy Aquino may kalabutan sa pag-veto niini sa dos mil pesos nga usbaw unta sa pension sa mga sss pensioners.Gihimo ang panagtigum nga gitambungan sa mga magtutunghang nagagikan sa nagkadaiyang mga kolehiyo ug unibersidad nga mga tunghaan sa Gensan sa may Queen Tuna Park.Sumala ni Arlene Quiapo, mibarug nga tigpamaba sa grupo nga personal niya kining inisyatibo aron tigumon ang mga kabataan aron depensahan si Pangulong Noynoy Aquino.Alang kanila tama lang ang nahimong desisyon ni PNoy alang sa katungod sa mayoryang ihap sa mga myembro sa sss. Kung gipasar gyud ang dos mil pesos nga usbaw, seguradong mapamubo ang kinabuhi sa SSS.Ang resulta sila nga mga kabataan ang maoy magsagubang ug walay makuha nga benipisyo sa SSS sa pag-abot sa tukmang panahon. Gihingusgan usab ni Quiapo nga walay bisan unsang grupo o pulitiko ang nagpaluyo kanila, kondili kini ilahang kaugalingong inisyatibo aron maipaabot sa publiko ang yangongo sa mga kabataan.
