Sa iya ulihi nga pag tambong sang traditional Flag raising and awarding ceremony, gin pasalamatan ni Outgoing Police Regional Office 6 Director, Chief Superintendent Cesar Hawthorne Binag ang tanan tanan nya nga personnel nga nag serbe nga iya nga team.
Antes mag gwa ang order, iya na gin libot ang tanan nga police stations, provincial offices, city police offices etc.
Suno sa iya nga mataas ang level sang trust sang kapulisan sa isa kag isa.
Gin dugang man sini nga ang maayo nga relasyon sang kapulisan sa ila pamilya ang maga hatag sang maayo nga performance sa duty kag kun problemado ang pulis sa iya pamilya, indi ini maka perform sang maayo.
Nag ayo man ini sa kapulisan nga ihatag ang bug os nga supporta sa bag o nga maga pungko bilang Regional Director sang PRO6.
