Mga idol ting ulan na pud, tungod sa di maayong panahon labi na diri sa Cagayande Oro ug Misamis Oriental aniay pipila ka mga tips o giya para sa ingon ining panahon.
01. Ayaw na ug gawas sa panimalay kung kusog ang ulan ug kung wala kay importanteng lakawon. Nia diring panahona ang kakuyaw labi na ug mokalit ug baha ug usab ang mga aksedente sa kadalanan kung sobra ka ligyas ang mga dalan.
02. Magsul-ob ug senina nga mobagay ug mohaum sa ingon ining panahon nga sobra ka bugnaw. Gamit ug jacket o di kaha raincoat labi na kung mokusog ug jud ug bundak ang ulan.
03. Ayaw ug pasagdi nga masalud ang tubig sa ulan kay kini ang maoy hinungdan sa pagdaghan sa lamok sa atoang palibot.
04. Kinhanglan nga pirmi limpyo ang inyong palibot u g ayaw pag labay ug basura ug ipaanon sa baha sa panahon sa tingbaha kay maokini mosampong ug makabara sa atoang mga kanal.
05. Pag-andam ug mga pang emergency nga mga gamit labi na ug mawalag kalit ang sugang dagitabnon. Pagandam ug flashlight aron adunay magamit sa panahon nga mongitngit na ang palibot ug wala na kay makita.
06. Paminaw kanunay ug Radyo para mahibaloan ang balita sa inyong palibot.
Source: http://kalusugan.ph/
Image credit: Bandera – Inquirer.net
