DI lang motabang ang mga ngipon sa imong pag-estorya ug pag-usap, kini
usab pwede nga makaguba sa imong hitsura. Ania ang 10 ka mga sekreto aron
magpabilin nga puti ang imong mga ngipon.
01. Kaon og white-teeth diet – Kon ikaw manginomay og puwa nga bino ug
black tea, o manigarilyohay, pagdahom na lang nga di puti ug sinawon ang
imong mga ngipon isip resulta niini. Laing hinungdan sa mahugaw o ngiob nga
ngipon mao ang colas, gravies, ug dark juices. Kon itom na daan ang pagkaon
sa wala pa ni nimo nabutang sa imong baba, kini lagmit nga makahugaw sa
imong mga ngipon. I-brush diha-diha dayon ang imong ngipon human ka
nikaon o niinom og mga pagkaon nga makamantsa sa imong ngipon. Paggamit
usab og mga bleaching agents. O kon dili, kaon na lang og mansanas alang sa
hamugaway nga paglimpyo sa ngipon.
02. Ilabay ang imong toothbrush – O kon dili, ilisi na lang ang ulo sa imong
electric nga toothbrush sa labing menos duha ngadto sa tulo ka mga buwan.
Kay kon dili, imo rang gibalhin ang mga bacteria sa toothbrush ngadto sa
imong baba. “The best way to brush is by placing your toothbrush at a 45-
degree angle against your gums and gently moving it in a circular motion,
rather than a back-and-forth motion. Grip the toothbrush like a pencil so you
won’t scrub too hard”, matod pa sa Beverly Hills dentist nga si Harold Katz,
D.D.S.
03. Limpyohi ang imong dila – Matag buntag, paggamit og pangkiskis sa dila
aron matangtang ang mga plake ug mopresko ang imong gininhawa. Usa sa
mga dakong rason sa pagkabaho sa baba mao ang pagtubo sa mga bacteria sa
dila nga mawala kon mangkiskis sa imong dila kada adlaw. Dugang pa, mas
epektibo pa ang pangkiskis sa dila kay sa mag-brush niini gamit ang
toothbrush.
04. Eat detergent foods – Ang mga pagkaon nga magahi ug kagumkom
makatabang sa paglimpyo sa ngipon kon sila pagakan-on, sama sa apples,
hilaw nga carrots, celery, ug popcorn. Para sa mas nindot nga resulta, himoa
ang detergent foods nga katapusan nga pagkaon nga imong pagakaunon kon
kahibaw ka nga di ka mag-toothbrush sa paghuman nimo og kaon.
Source: http://www.sunstar.com.ph
Image credit: Lifetime Holistic Dental
