Gusto mawala ang dysmenorrhea sa natural nga pamaagi?
1. Kaon sa mga pagkaon nga mohatag og kahupayan.
Ang mga pagkaon nga susama sa donut, potato chips ug lain pa nga mga taba nga pinirito dili gayud maayo sa imong lawas. Pagpabilin sa diyeta nga kubos sa taba ug hataas sa fiber nga susama sa mga gulay nga dahunon ug berde, mga prutas ug mga mani.
2. Hunonga ang pag-inom sa mga ilimnon nga adunay caffeine.
Ang mga ilimnon nga adunay caffeine makapasamot sa kasakit sa pus-on sa panahon sa regla, mao nga likay-likay sad sa pag-inom sa kape usa pa ug sa panahon sa imong regla.
3. Pag-inom og tambal
Ang mga tambal nga susama sa aspirin, ibuprofen ug naproxen sodium makapakubos sa sakit sa pus-on. Seguradoha nga makabalon ka og tambal aron makainom ka dayon sa panahon nga manginahanglan ka niini.
Ang ibuprofen ug naproxen makatabang usab nga mohinay- hinay sa pag-agos ang imong dugo. Mao nga sakto ang imong gihimo sa pag-inom sa tambal sa panahon sa imong mga kasakit.
Ang problema lamang niini kung aduna kay ulcer o hyperacidity kay mosamot ang imong ulcer o motokar sa pag-inom nimo sa maong klase sa mga tambal.
Kung anaa man kay gibati nga ulcer, inom na lamang ka og celecoxib alang sa sakit, inay sa kasagaran nga mefenamic acid, ibuprofen, naproxen ug uban pa.
Source: https://www.sunstar.com.ph
and Dr. Fritz Legarde Espedilla
Image credit: Mark Shepherd
