Ania ang mga tips kung unsaon nga ang pag-meryenda dayon sa pagkatulog epektibo alang sa imong maayong pagkatulog:
• Oras sa imong pag-meryenda.
Ang mga pagtuon nagasugyot nga ang pag-meryenda usa pa matulog pinaka-epektibo kung buhaton kini usa ka oras sa di pa matulog ug adunay mga tam-is ug gamay nga protina. Ang meryenda nga gamay lamang apan balanse sa nutrisyon mao ang makapahimo sa utok nga mohimo og serotonin, nga makatabang nga mopakalma kanimo ug mopreparar kanimo aron makatulog ka.
• Pag-plano og sayo nga pagkatulog.
Ang ginagmay nga oras sa pagkatulog mao ang hinungdan sa pagkawala sa balanse sa hormones nga leptin ug ghrelin; ang maong pagkawala sa balanse makapausbaw sa pagkagutom ug makapakubos sa pagkabusog. Mao nga maglisud na hinuon ka nga makatulog kada gabii ug mao usab ang hinungdan nga mokaon ka og mas daghan ug mas gutumon ka, ug samot maglisud ka sa pagkatulog. Mao nga kaon og ginagmay nga meryenda diha sa mga alas nuwebe sa gabii ug sulayi gayud nga matulog ka na pag-abot sa alas diyes sa kagabhion.
Source: www.sunstar.com.ph
Image credit: WebMD
