AYAW ilabay ang teabags human nimo og gamit. Naa kiniy gamit. Mao kini ang mosunod:
01. Makapawagtang sa acne.
Ibutang ang ginamit nga tea bags sa apektadong panit. Makatabang kini pagtangtang sa mga acne sa nagkalain-laing parte sa imong lawas. Ang green tea maoy top choice nga gamit niini.
02. Makaayo sa sunburns.
Ibutang ang ginamit nga tea bags sa apektadong panit aron sa pagpabugnaw niini ug masugdan ang pagtambal niini. Mas maayo nga black tea ang gamiton
03. Marinate og karne.
Aron nga di hunit ang karne, i-marinate kini sa ginamit na nga tea bags. Ang humot sa tea bag makapalami sa karne ug makapahumok usab niini.
04. Makapapresko sa sapatos ug sinina.
Pagsulod og bag-ohay lang ginamit ug uga nga tea bags sa kabinit aron mahimong preskong simhuton imong mga sinina. Mamahimo usab nimong ibutang kini sa imong mga sapatos. Makapawagtang kini sa mga dili maayong baho sa mga gamit.
05. Makahupay sa samad sa baba ug lu-as
Kon aduna kay samad o lu-as sulod sa baba, paaka ang bag-ohay lang gigamit nga teabag. Ang mga linangkob sa tea makapaalibyo sa kasakit ug makapadali sa pag-kaayo niini.
06. Molimpyo sa panimalay.
Mamahimo usab gamiton kini aron paglimpyo sa hugaw nga samin, salog ug linolyum.
07. Makapawagtang sa pagpamuwa sa imong mata
Pagbutang og duha ka teabags sa bugnaw nga tubig ug ihumol kini sulod sa duha ka minutos. Ibutang kini sa imong tabon-tabon. Pasagdi kini sulod sa pipila ka minutos. Human niini, mawagtang ang kapula sa mata ug mas presko ug batan-on kining tan-awon.
08. Makapahimsog sa hardin.
Ang tea bags makahatag usab og dugang kaayuhan sa yuta. Mamahimo nimo kining isagol sa yuta nga tamnan, o kini maoy gamitong pagkaon isagol sa tubig ug ibubo sa tanom. Matod pa sa mga organic gardener nga ang pagbubo o pagsagol og tea sa yuta epektibong makapahawa sa mga ulod nga mokaon sa imong tanom.
Source: www.sunstar.com.ph
Tinubdan: jewsnews.co.il
Picture Source credited to: http://www.gdnonline.com
