TING-UWAN na sab. Lisod ang pagpauga sa mga linabhan. Hinuon niay angay mong buhaton aron mas dali, paspas ang paglaba:
1. Pilii ang mga labhunon
Mamahimo kang manlaba makadaghan kutob sa imong makaya apan sa panahon nga bati ang panahon kinahanglan pasidan-an ang matag membro sa pamilya nga maghunahuna usa ilabay ang ilang mga labhanan nga inilisan. Mas maayo kon magbutang og extra nga basket para sa mga dinali nga bulingon sama sa mga panglakaw, pang-eskwela ug pangtrabaho. Pinaagi niini masiguro nimo ang mga importanteng labhonon nga angay unahon.
2. Andama ang mga sinina para makadaginot sa oras
Para maka-save sa oras, ipanglahi ang mga hugaw sa di kaayo alang sa pagtimbang sa tukmang kugi sa pagkuso-kuso aron usab nga di mahago ang imong kusog. Sa paghayhay na niini, seguradoa nga gunitan nimo sa duha ka kamot ug ihayhay pagtarong para maminusminusan ang kakom-ot sa sinina og di na kinahanglanng dugay nga pagplantsa.
3. Dalha sa sulod ang kaprisko sa gawas
Di kinahanglang ihayhay ang mga sinina sa gawas para dali kining maoga sama sa panahon sa ting-uwan. Mamahimong ihayhay ang sinina sa sulod pinaagi sa paggamit ug mga fabric conditioner nga maghatag kahumot sa mga nilabhan nga makatabang para sa pagsiguro sa kaprisko sa mga nilabhan nga tukma sa imong gustong humot sa mga sinina.
4. Wais nga paggamit sa dryer
Kinahanglan wais sa paggamit sa dryer aron makadaginot sa konsumo sa kuryente. Sa paggamit sa dryer, siguradoa nga sakto lang ang sulod aron mauga. Ayaw pasubrahe o pakulangi kay di kini mauga.
5. Ihayhay sa sulod nga oga
Likayi ang paghayhay sa mga lugar nga basa o mabasa ang mga nilabhan alang sa paglikay nga kini mabaho o mag-molds o di kaha puy-an sa mga mananap nga maghatag og bacteria sa sinina nga mao unyay hinongdan nga katol kon sul-obon na. Mas maayo usab nga ablihan ang mga bintana aron makasulod ang hangin nga makatabang alang sa daliang pag uga sa mga nilabhan. Kimberly Macarat CNU Comm. Intern
Picture Source: www.scienceabc.com
Source: http://www.sunstar.com.ph
