Lima ka Paagi Aron Mamenosan ang Kapit-os
Ang pagsagubang sa kapit-os samag pag-alsa ug barbel—makapakusgan kini
kanimo kon himoon sa hustong paagi
Ang pagsagubang sa kapit-os sama rag pagbarbel. Aron molampos ang usa
ka barbelista, kinahanglang abante siyang mangandam. Alsahon niya ang
barbel sa hustong posisyon ug likayan niya ang pag-alsag bug-at kaayo. Kon
iya kining sundon, modako ang iyang kaunoran nga dili madaot ang iyang
lawas. Sa laing bahin, kon dili niya kini sundon, magisi ang iyang kaunoran
o mabali pa gani ang iyang bukog.
Sa susama, imong masagubang usab ang kapit-os nga dili madaot ang
imong kaugalingon. Sa unsang paagi? Tagda kining mosunod:
01. Ilha ang espesipikong mga hinungdan. “Ang tawong maayog
panghunahuna makakita sa umaabot nga kasamok ug molikay siya niini,”
matod pa sa usa ka karaang sanglitanan. Apan dili nimo malikayan ang
kapit-os kon dili nimo maila ang hinungdan niini. hibaloa ang hinungdan kung Unsay nakapit-os pag-ayo kanimo?
02. Panukiduki. Pananglitan, kon napit-osan ka na tungod sa daghan
kaayong homwork? ug Unsang Paagi Makakaplag Ako ug Panahon sa Paghimo sa
Akong Homwork?” Kini ang kinhanglang hibaloon sa usa ka estudyante.
03. Pangandam kon unsay imong itubag. Kon nabalaka ka kon unsay
reaksiyon sa imong mga klasmet sa dihang masayran nila ang imong
tinuohan, karon pa lang pangandam na kon unsay imong itubag nila.
04. Ayaw paglanganlangan. Kon dili dayon sulbaron ang mga problema,
mograbe hinuon kini ug mosamot ang imong kapit-os.
05. Pangayog tabang. Bisan ang labing kusgan nga barbelista dunay mga
limitasyon. Mao sab ka. Busa ayawg soloha ang imong problema.
Source: www.jw.org
Image credit: unsplash.com
