i Kalami! ‘Relationship Tips’

18

Tawo lang ko ug nadala lang sa tentasyon.

Sa relasyon naay daghang pagsulay nga kun ikaw magpahinay-hinay, sa kaulahian ikaw magmahay.


Magmahay ka kun nganong nagpadala ka sa usa ka butang nga gitawag og tentasyon

Daghan ang relasyon nga naguba gumikan niini nga unta pwede man kining malikayan. Ug mao kini ang mga pamaagi on how to resist temptation:

1. Kinahanglang makontento. Kun kahibalo lang gyud kang makuntento kun unsay naa nimu ug sa imong partner, makalikay ka niini. Dili na magsige og hunahuna nga motilaw pa og lain nga putahi. Don’t be selfish and unfair, dapat hatagan nimu og value ang inyong relasyon.

2. Be honest and loyal. Kun naa ka sa usa ka relasyon, unya naay mag-flirt nimo dapat imong sultihan nga naa na kay uyab/partner, dili kay mokatol ug mokitiw pud dayon. Huna-hunaa og maayo, what if ikaw ang buhatan sa ingon ana. Kay bisan asa ta naa gyud na, pero kun loyal ka dili gyud lisod ang paglikay.

3. Distract Yourself. If naa na ka sa sitwasyon nga mura’g gilamian na pud gyud ka, paningkamot gyud nga dili ka madala. Divert your attention and make yourself busy kay kun dili ka, aw magmahay gyud ka. Hunahunaa ang kalami kadiyot ra, mao nga dapat kahibalo ka mo-control sa imong kaugalingon. Ayaw padala sa imong nakita dapat imo gyud ipatigbabaw ang naa sa imong kasing-kasing.

4. Communicate. We need someone to talk to. Mao nga dapat gahinan nimu og oras imong partner, pangumustahon nimu about sa work ug sa uban pa niya nga mga problema, show to him/her nga nagpangga ka niya. Kay ang tendency ani adto ni niya makita sa laing tawo ug diha na magsugod nuon

5. Social Media Alert. If naay mga nagchat-chat nimu sa Facebook o nag-flirt nimu, dili dapat patulan bisan unsa pana kagwapa/gwapo. Ibutang tawon sa imong hunahuna naa kay karelasyon. Mas maayo imong i-block kay daghan ang nadala ug nailad tungod kay magsend-send na og mga pictures and all, so to avoid doing such thing, block him/her.

6. Have time for your partner. Tungod sa atong ka-busy sa work usahay makalimot nata nga naay mga responsibilities nga atong nakalimtan. Mao nga kinahanglan atong hatagan og oras ang atong partner, dili lang kutob sa chat, tawag or text. Importante nga aduna mo’y time together, mag-date, mangaon sa gawas ug uban pa. Sa ingon niini nga pamaagi, imong malikayan ang mga tentasyon nga naa ra gyud sa kilid-kilid. Be strong ,huwag marupok.

Sources: https://www.philstar.com
ESKINA TAMPO DJ ni Yummy Chito
Image credit: Kami.com.ph, facebook

Facebook Comments

From Advertisers