Tulo ka polis nga natug samtang nagduty gi-relib

Gitangtang sa puwesto sugod karong adlawa ang tulo ka mga polis sa lungsod sa Catmon ug Sogod sa amihanang Sugbu nga nasakpang natug samtang sila nagduty.

Ang hepe sa kapolisan sa lalawigan sa Sugbu nga si Police Colonel Roderick Mariano nimando sa hepe sa Catmon ug Sogod nga irelib ang ilang mga sakop nga natug sa duty ug nasakpan atol sa inspeksiyon sa deputy for administration sa PNP.

Duha sa tulo ka polis ang nadestino sa Catmon samtang usa gikan sa Sogod apan wa hinoon sila nganli ni Mariano .


Ang tulo ka polis gimanduan pagreport sa provincial headquarters aron adto na ibutang sa Holding Administration Unit sa CPPO .

Facebook Comments